TTMIK កម្រិតទី 1 មេរៀនទី 3

From Korean Wiki Project
Jump to: navigation, search

បន្ទាប់ពីបានស្តាប់មេរៀននេះរួច អ្នកនឹងអាចនិយាយថាលាហើយជាភាសាកូរ៉េ។

តើអ្នកចាំពីរបៀបនិយាយថា "សួស្តី" ជាភាសាកូរ៉េទេ?

안녕하세요. [អាន់ណ្យងហាសេយ៉ូ]

បើអ្នកចាំបាន 안녕하세요 អញ្ចឹងល្អហើយ។ ហើយបើអ្នកចាំបានទៀតថា "안녕" ក្នុងពាក្យ 안녕하세요 មានន័យថាសន្តិភាព និងសេចក្តីសុខ អញ្ចឹងកាន់តែល្អទៅទៀត។

안녕 [អាន់ណ្យង] = សុខុមាលភាព, សន្តិភាព, សុខភាព

ហើយក្នុងភាសាកូរ៉េ នៅពេលដែលអ្នកនិយាយថា "លាហើយ" ជាភាសាកូរ៉េបែបផ្លូវការ រឺសមរម្យ (존댓말 [ចុនដេតម៉ាល]) មានប្រយោគពីរប្រភេទ ហើយប្រយោគទាំងពីរនេះមានពាក្យ 안녕 ដូចគ្នា។

មួយប្រើសម្រាប់ពេលដែលអ្នកជាអ្នកចាកចេញ។
ហើយមួយទៀតប្រើសម្រាប់ពេលដែលអ្នកជាអ្នកដែលនៅ។

ប្រសិនបើអ្នកនឹងចាកចេញ ហើយម្នាក់ទៀត (រឺអ្នកដទៃ) នៅ អ្នកអាចនិយាយថា៖
안녕히 계세요. [អាន់ណ្យងហ៊ី គ្យេសេយ៉ូ]

ប្រសិនបើអ្នកនៅ ហើយម្នាក់ទៀត (រឺអ្នកដទៃ) នឹងចាកចេញ អ្នកអាចនិយាយថា៖
안녕히 가세요. [អាន់ណ្យងហ៊ី កាសេយ៉ូ]

ឥឡូវនេះអ្នកមិនចាំបាច់បារម្ភពីន័យរបស់ពាក្យនីមួយៗទេ ហើយគ្រាន់តែចាំឃ្លាទាំងនេះទៅបានហើយ ប៉ុន្តែបើអ្នកពិតជាចង់ដឹងមែន ហើយបើយើងត្រូវគេបង្ខំឲបកប្រែឃ្លាទាំងនេះ វានឹងត្រូវបានបកប្រែដូចខាងក្រោម៖

안녕히 계세요. = នៅដោយសុវត្ថិភាព។
안녕히 가세요. = ទៅដោយសុវត្ថិភាព។

ប៉ុន្តែដូចដែលយើងបានប្រាប់រួចហើយ កុំបារម្ភអំពីន័យរបស់ពាក្យនីមួយរបស់ឃ្លាទាំងនេះនៅពេលឥឡូវអី។

  • យោបល់មួយដែលលោកហ្យនអ៊ូចង់ឲអ្នក៖

នៅពេលជនជាតិកូរ៉េនិយាយថា 안녕하세요 [អាន់ណ្យងហាសេយ៉ូ], 안녕히 계세요 [អាន់ណ្យងហ៊ី គ្យេសេយ៉ូ] រឺ 안녕히 가세요 [អាន់ណ្យងហ៊ី កាសេយ៉ូ] គេមិននិយាយពាក្យនីមួយៗឲច្បាស់ទេ។ ដូច្នេះជួនកាល អ្នកអាចលឺត្រឹមតែផ្នែកបញ្ចប់ "세요" ប៉ុណ្ណោះ។

ដូចនេះអ្នកអាចធ្វើឲគេគិតថាអ្នកនិយាយបានល្អដោយគ្រាន់តែនិយាយថា 세요 សម្រាប់គ្រប់ស្ថានភាពទាំងអស់នេះ។



TTMIK.png
ឯកសារ PDF នេះសម្រាប់ប្រើជាមួយនឹងមេរៀនសម្លេង MP3 ដែលអាចទាញយកបាននៅ TalkToMeInKorean.com ។

សូមចែករំលែកមេរៀនភាសាកូរ៉េ និងឯកសារ PDF ឥតគិតថ្លៃរបស់ TalkToMeInKorean ដោយសេរីដល់អ្នកដែលកំពុងរៀនភាសាកូរ៉េ។ ប្រសិនបើអ្នកមានសំណួរ រឺមតិរិះគន់បែបស្ថាបនា សូមចូលទៅគេហទំព័រ TalkToMeInKorean.com ។


គម្រោងការបកប្រែឯកសារ PDF នេះ ជាគម្រោងរួមគ្នារវាង TalkToMeInKorean.com និង KoreanWikiProject.com